讀者投稿《趕陪月走奶奶篇》下集
其實我已經生左第二胎，之前趕走陪月係第一胎嘅事，到我知道有左第二胎，我老公今次怕又再出事，一早同99講明，我一定會請陪月，妳係唔鍾意嘅我哋一家就搬走，但妳唔好諗住嚟探b，唔想我老婆受騷擾，最後99妥協唔搞事，仲話叫陪月煮埋我老公果份，佢自己搞掂自己，點知到陪月返工第一晚，陪月一收工佢就入廚房搞大龍鳳，我問佢嘜唔係陪月煮埋我老公果份咩？佢大聲夾惡鬧我話我幾時講過！我邊會咁講！我無講過！咁就算喇，妳要煮就煮，總之我只會食陪月煮嘅野，之後每晚就精彩喇，陪月尋晚煮咩比我食，我99就今晚炒足照煮，食到我老公叫救命。。。
Bb因為出世有啲事要入兒科，住左十幾日先出院，兒科只準父母入病房探病，我99就幾次要求一齊去探，講左去到都入唔到去，佢就同人講話係我呢個新袍唔比佢去探個孫。。。
好喇，等左兩個幾星期bb終於出院，日日我都同bb晌廳玩，佢無嘹過bb又無抱過bb，我已經覺得奇怪，過左一星期我姑仔同我講叫我放心比99抱下，我老公又問我99有無抱過，我照直講無，我老公就話叫我比佢抱下，我頂，咩事呀，唔係我唔比喎！但原來99同姑仔呻話我唔比佢抱，咁耐都未抱過bb，第二日同陪月傾計先知，其實我每日出去送大囡返學佢都即刻走出嚟抱，仲要無洗手無換衫就抱，係日日抱，只係我唔知，但佢仲晌姑仔面前屈我唔比佢抱！！
退一步海闊天高。
Search